Zainab Ko Bhi Ik Baar Behen Keh Kay Sada Do

جب گیارا محرم کو بہن لاشے پہ آئی قیدی تھی مگر دل میں یہ ارمان بھی لائی لاشے کی طرف دیکھ کے آواز لگائی جس طرح کہا جاتے ہوئے بھائی کو بھائی زینبؑ کو بھی اک بار بہن کہ کے صدا دو ملنے کیلئے آئی ہوں آواز سنا دو

بن بازو تو جس طرح سے اس خاک پہ آیا میں نے بھی اُسی طرح یہاں خود کو گرایا گردن سے بندھے ہاتھوں کو تم اُٹھ کے چھڑا دو

کس شان سے آئی تھی مجھے یاد ہے عباسؑ جب سے تو گیاچھوڑ کے کوئی بھی نہیں پاس قیدی ہوں کھُلا سر ہے ردا لاکے اُڑھا دو

رہ جائیگا غربت میں بدن جلتی زمیں پر اور جائیگا نیزے پہ مرے ساتھ ترا سر میں کیسے چلوں گی میری ہمت تو بڑھا دو

عباسؑ تیرے غم میں یہ دل کیسے سمبھالوں بازو تیرے مل جائیں تو سینے سے لگالوں تم کیسے گرے خاک پہ زینبؑ کو بتا دو

کس طرح سمیٹے تجھے مجبور بہن ہے نہ ہاتھ نہ پاؤں ترا ٹکڑوں میں بدن ہے کتنا تمہیں مارا گیا کچھ حال سنا دو

مقتل میں میرے ساتھ اگر آتی سکینہ عباسؑ تری لاش پہ مرجاتی سکینہ وہ روکے صدا دیتی عموں کو بلا دو

اے ضیغم و ذیشان یہ زینبؑ نے پکارا جس طرح مدینے سے مجھے لائے تھے بھیا بازار بہن جاتی ہے محمل میں بٹھا دو