Mustafa girya kuna
Noha Lyrics & Urdu Writeup on Ashoor recited by Riaz Ali
مصطفی گریہ کناں مرتضیٰ گریہ کناں
فاطمہ نوحہ کناں میرا مظلوم حسین
خون سینے سے ابلتا ہے کوئی تو روکے
ساتھ ہی دم بھی اکھڑتا ہے کوئی تو روکے
جان سے جاتا ہے پیمبر سا جواں
فاطمہ نوحہ کناں میرا مظلوم حسین
---مصطفی گریہ کناں
کسی نوشاہ کی لاش آئی ہے مقتل سے ابھی
اور دلہن کوئی خاموش ہے سکتے میں کھڑی
سارا خیمہ ہے قیامت کا سماں
فاطمہ نوحہ کناں میرا مظلوم حسین
---مصطفی گریہ کناں
گزر کا وار لگا سر پہ تو سنبھلا نہ گیا
اپنے رہوار سے بے دست زمین پر آیا
مشک سینے سے مگر ہے چسپاں
فاطمہ نوحہ کناں میرا مظلوم حسین
---مصطفی گریہ کناں
لاش بے شیر لئے خیمے کی سمت آتے ہیں
جانے کیا سوچ کے پھر شاہ پلٹ جاتے ہیں
منتظر ہے در خیمہ پر ماں
فاطمہ نوحہ کناں میرا مظلوم حسین
---مصطفی گریہ کناں
خون برستا ہے فضائوں سے لرزتی ہے زمیں
شاہ دیں سجدہ آخر میں جھکاتے ہیں جبین
یہی سر ہو گا سر نوک سناں
فاطمہ نوحہ کناں میرا مظلوم حسین
---مصطفی گریہ کناں
زخم سجاد کا اس طرح سے رستہ جائے
طوق گردن میں لہو طوق پر گرتا جائے
اور پائوں میں وہ زنجیر گراں
فاطمہ نوحہ کناں میرا مظلوم حسین
---مصطفی گریہ کناں
شمر برچھی سے اتارے گا جو زینب کی ردا
رن میں شاہد تڑپ اٹھے گا جری کا لاشہ
اب حرم کا نہیں کوئی نگراں
فاطمہ نوحہ کناں میرا مظلوم حسین
---مصطفی گریہ کناں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.