Mere ghareeb hussain
Noha Lyrics & Urdu Writeup on Ashoor recited by Shahid Baltistani
ہاے غریب ہاے حسین
اے میرے غریب حسین
میرے غریب حسین
بند کفن کو توڑ کے
آی ہے پھر سے ماں
اے میرے غریب حسین
میرے غریب حسین
ماتھے پہ تیر پہلو میں پیوست برچھیاں
اور قلب میں سناں
مرحم لگاے گی تیری مادر کہاں کہاں
اے میرے غریب حسین۔۔۔
باہیں گلے میں ڈال لو ہمت زرا کرو
اے لال گھر چلو
ان پتھروں کے ڈھیر میں تم چپ گےء کہاں
اے میرے غریب حسین۔۔۔
رکھ دونگی ہاتھ گردن و خنجر کے درمیاں
وعدہ ہے میری جاں
غازی کی طرح دشت میں قربان ہوگی ماں
اے میرے غریب حسین۔۔۔
کڑیل جواں کی لاش پہ تیرا تھا امتحاں
تیار اب ہے ماں
بیٹا میں تیرے سینے سے کھینچوں گی خود سناں
اے میرے غریب حسین۔۔۔
محسن کے بعد سے میری جیسے جھکی کمر
تجھکو تو ہے خبر
ایسے ہے بعد غازی کے تیری کمر کمان
اے میرے غریب حسین۔۔۔
بیٹے کے ساتھ دشت میں مادر کا خوں بہے
کہہ دو یہ شمر سے
گردن پہ پہلے وہ کرے خنجر میرے رواں
اے میرے غریب حسین۔۔۔
اماں ہٹا لو ہاتھ تکلم تھی یہ صدا
کٹنے دو اب گلا
ہر ضرب پر یہ کہتی تھی پہلو شکستہ ماں
اے میرے غریب حسین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.