Wurood e Buturab
Manqabat Lyrics & Urdu Writeup on Imam Ali (a.s)
دھڑک رہی ہے زندگی دلوں میں اضطراب ہے
خلا بھی ہے سجا سجا فضا بھی لاجواب ہے
زباں زباں پہ موجزن ترانہ شباب ہے
حرم کی سر زمین پر عجیب انقلاب ہے
خدا کے گھر میں دوستو ورود بوتراب ہے
بکھر رہے ہیں دائرے جمال ذوالجلال کے
جلے تو جل کے بجھ گئے عدو نبی کی آل کے
ملنگ کہہ رہے پھر دھمال ڈال ڈال کے
مٹی مٹی ہیں ظلمتیں طلوع آفتاب سے
خدا کے گھر میں دوستو ورود بوتراب ہے
رکی ہوئی ہیں نبض بحر و بر کی سب روانیاں
زباں زباں پہ انما کی دلنشیں کہانیاں
ہر ایک سو رواں دواں خدا کی مہربانیاں
ہر ایک رخ ہے آئینہ غضب کی آب و تاب ہے
خدا کے گھر میں دوستو ورود بوتراب ہے
یہاں وہاں ادھر ادھر جلی جلی کی دھوم ہے
چمن چمن کلی کلی ولی ولی کی دھوم ہے
نگر نگر گلی گلی علی علی کی دھوم ہے
یہی صدائے دلنشیں ہمارا انتخاب ہے
خدا کے گھر میں دوستو ورود بوتراب ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.