Raaz Muqatta'at Ka Hamraaz Aaye Ga

راز مقطعات کا ہمراز آئے گا قرآں علی کا لکھا ہوا ساتھ لائے گا شان نزول آیتوں کی خود بتائے گا مکی سے مکی مدنی سے مدنی ملائے گا فر فر صحیفہ بولے گا اس کی جناب میں وہ جان ڈال دے گا خدا کی کتاب میں

ہو گا امام وقت یوں مصروف کارزار کاندھے پہ بے نیام رکھی ہو گی ذوالفقار اللہ ہو گا خود ولی اللہ پر نثار تلوار خود کہے گی جری وار وار وار فہرست دیں گے دشمن آل رسول کی پھر دیکھ کیا کرے گی سہیلی بتول کی

تنظیم روزگار کا لازم جب آئے گا تبدیلیاں بشر کی وہ فطرت میں لائے گا دنیا کو اپنا حق تصرف دکھائے گا انساں پھر اپنی سوچ سے بھی آگے جائے گا خیرات میں امام سے پائے گا معجزات مٹی کا آدمی بھی دکھائے گا معجزات

ہو گی قضا کے ہاتھ میں جینے کی جب امنگ آ جائے گا ہر ایک بشر زندگی سے تنگ ابلیسیت دکھائے گی دنیا کو اپنا رنگ نائب خدا کا آ کے لڑے گا خدا کی جنگ مٹ جائے گا بدی کا نشاں کائنات سے شیطان مارا جا گا مہدی کے ہاتھ سے

یوں آس ہے ظہور کی دل کے دیار میں اکبر جو موت آ بھی گئی انتظار میں پھر بھی تڑپ رہے گی دل بے قرار میں ہم منتظر رہیں گے ہمیشہ مزار میں دے گا صدائیں جب بھی ہمیں وقت کا حسین قبروں سے ہم پکاریں گے لبیک یا حسین