Yeh Saari Kainat Hai Qaim Imam Se

یہ ساری کائنات ہے قائم امام سے باقی خدا کا نام ہے مہدی کے نام سے

سورج کو سارے رستے بتاتا ہے خود امام مشرق ہے یہ یہاں سے نکلنا ہے تیرا کام تھک جائے گر سفر میں تو پھر بھی ہے اک مقام مغرب ہے میرے قدموں میں کرنا یہی قیام کہہ دیں جہاں سے واں سے نکلتا ہے آفتاب مہدی سے پوچھ پوچھ کے چلتا ہے آفتاب

اک پل کو سوچے نہ اگر ہوں شہ زماں بادل رہیں نہ ابر نہ برسات کا نشاں پس جائے کائنات پہاڑوں کے درمیاں دھرتی کے سر پہ آن گرے پل میں آسماں ان سارے حادثات زمانہ کے سامنے دیوار کھینچ رکھی ہے میرے امام نے

آنے سے اس کے ہو گی ستم کی کتاب بند ہو گا ہر ایک مفتیء شر کا نصاب بند غیبت کا در کھلا تو کھلیں گے حساب بند مولا کہیں گے ہو گیا توبہ کا باب بند اپنے پروں سے پہلے محبوں کو آڑ دو جبریل پھر زمین کو دوزخ میں جھاڑ دو

وہ ہے تو کائنات ہے وہ ہے تو زندگی وہ ہے تو یہ نماز ہے وہ ہے تو بندگی وہ ہے تو آ رہی ہے صدا یاحسین کی وہ ہے تو ہو رہا ہے جہاں میں علی علی اب جو خلاف ذکر علی لب ہلائے گا دنیا سے بے حساب جہنم میں جائے گا