Sajjad Bhira Haye Sakina Haye Haye Shaam

بازار شام میں کئی گھنٹے جب بے پردہ تھی آل نبی ہر موڑ پہ شام کے رک رک کر معصوم سکینہ کہتی تھی سجاد میرے زخمی بھائی اس شہر کے لوگ یتیموں پر کیا یونہی مظالم ڈھاتے ہیں کیا اجڑے ہوؤں کی آمد پر بازار سجائے جاتے ہیں یوں جشن منائے جاتے ہیں سجاد سہارا دے مجھ کو میں تھک پئی آں ہائے سکینہ ہائے ہائے ہائے شام سجاد بھرا میں تھک پئی ہاں دربار کو کتنی دیر اے ہائے سکینہ ہائے ہائے ہائے شام پچھ شمر کولوں میں بیہ جاواں مینڈے درد کریندے نیں پیر ہائے سکینہ ہائے ہائے ہائے شام

تیڈی بھین سفر دی عادی نئی تھک پئی آں امڑی جایا اساں کئی بازار عبور کیتے دربار اجے نئی آیا انج لگدا اے جے ٹردی رئی ساہ مک جاون گئے میرے

سجاد بھرا نئی ٹر سکدی ذرا قافلے نوں رکوا دے ہک واری سر مینڈے بابے دا مینڈی جھولی دے وچ پا دے ایہو اجڑی تے احسان چا کر تیری ویر کرے رب خیراے

مظلوم بھرا میکوں نئی بھلڑا تیڈا قدم قدم رت رونڑا رب جانڑے توں زنجیراں توں آزاد کدوں اے ہونڑا پئی ہر ویلے روندی رہ ساں کر یاد میں دکھڑے تیرے

کداں سر چم کے میں اجڑی دا بابا ہا پیار کریندا میکوں سمجھ کے دھی اج باغی دی ہر شامی پتھر مریندا چاچے غازی دے بعد بھرا مک مانڑ گئے ہنڑ میرے

تساں ٹر ونجنا اے وطناں توں میں رہنڑا دیس بیگانے ایناں رسیاں توں آزاد ہونڑا نئی لگدا اے رب جانے میں جانڑدی ہاں میڈے لیکھاں تے ہن چھاگئے ویر ہنیرے

سجاد بھرا وچ کربل دے میکوں شمر طمانچے مارے کیتے کن زخمی میڈے ظالم نے در ظلم دے نال اتارے رت زخماں چوں پیا واہندا اے پئی روواں شام سویرے

ہئے ماتم سین سکینہ دا جواد تے سرور جاری جیہڑی قیدی ویر کوں گل لا کے رئی کہندی درداں ماری سجاد بھرا جگ رووے گا کر یاد مصائب میرے