Mola Madinay Walay

جن کا نانا نبی جن کا بابا علی جن کی ماں فاطمہ جن کا بھائی حسن وہ ہیں مولا ہمارے حسین مولا مدینے والے کربل میں آگئے ہیں کربل بسانے والے مولا مدینے والے خیمے سجا رہے ہیں وعدہ نبھانے والے مولا مدینے والے

اسلام نے پکارا قرآن نے صدا دی یثرب کا شاہزادہ یثرب کی شاہزادی نکلے سفر کو گھر سے کلمہ بچانے والے مولا مدینے والے

یہ در وہ پاک در ہے جو فاطمہ کا گھر ہے یہ پیارے مصطفی کا مولا علی کا گھر ہے مقتل میں آگئے ہیں قرآں سنانے والے مولا مدینے والے

داماد کے دلارے بیٹی کے شاہزادے تھے تین دن کے پیاسے سب پھول مصطفی کے قطرے کو ہیں یہی تو دریا بنانے والے مولا مدینے والے

رو رو کے بولی صغری دل ڈوبتا ہے میرا ویراں کیا مدینہ جنگل میں ہے بسیرا مجھ کو رلا گئے کیوں خوشیاں لٹانے والے مولا مدینے والے

ھل من کا استغاثہ جب دے چکا وہ پیاسا آواز ارجعی نے آکر دیا دلاسہ آ میرے پاس آجا لاشے اٹھانے والے مولا مدینے والے

سب لٹ گئی کمائی اکبر نے برچھی کھائی اصغر نے تیر کھایا دیتی تھی ماں دہائی تیروں کے سائے میں ہیں سجدے میں جانے والے مولا مدینے والے

سلمان اور شناور خوش بخت ہوں علی جی ریحان کی تمنا سرور کی جو دعا تھی خدمت قبول کر لیں قسمت بنانے والے مولا مدینے والے

اک شور تھا فلک پر کہتا تھا رب اکبر جبریل بادلوں کا جلدی بچھاؤ بستر جنت میں آرہے ہیں قرآں بچانے والے مولا مدینے والے