Aap ki manqabat jab parhi Fatima
Manqabat Lyrics & Urdu Writeup on Bibi Fatema (s.a) recited by Panjwani Sisters
آپ کی منقبت جب پڑھی فاطمہ
عرشیوں نے بھی آ کر سنی فاطمہ
ہے خدیجہ کی واحد خوشی فاطمہ
گھر محمد کے نازل ہوئی فاطمہ
کیا فضیلت ہے کہ بس علی کو ملی
دو جہاں میں تری ہمسری فاطمہ
سورہ دہر و رحمان پڑھ کر کھلا
مدح خواں ہے ترا خود جلی فاطمہ
تیرے رومال سے شہ نے خود صاف کی
حر کے چہرے سے شرمندگی فاطمہ
تھا مرے گرد رب کا حصار کرم
تیری تسبیح جس دم پڑھی فاطمہ
یوں لگا عرش سے جا لگا میرا سر
در پہ تیرے جبیں جب رکھی فاطمہ
اس میں بھی مرکزی ہے حوالہ ترا
بزم زیر کسا جو سجی فاطمہ
اس کی عظمت میں یہ ہی بڑی بات ہے
آپ کی ہے دعا ماتمی فاطمہ
کیسے غاصب فدک کا جناں جائے گا
در پہ جنت کے بھی ہے کھڑی فاطمہ
عرش تک چل کے جانا پڑا تھا اسد
جا کے پھر مصطفی کو ملی فاطمہ
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.