Mere Mola Mere Mola Ke Bhi Mola Tera
Manqabat Lyrics & Urdu Writeup on Rasool Allah (s.a.w.w) recited by Syed Muhammad Shah
میرے مولا میرے مولا کے بھی مولا تیرا
لب پہ زہرا و علی کے بھی ہے کلمہ تیرا
جلوہ گر دیکھی ہے توحید و امامت اس پر
طور اور عرش سے بھی اونچا ہے شانہ تیرا
دونوں لاریب ہیں یہ بھی ہے علی وہ بھی علی
ایک اللہ ترا ایک ہے بندہ تیرا
دیں کبھی غار حرا سے نہیں آتا باہر
ساتھ دیتی نہ اگر مادر زہرا تیرا
پشت پہ آئے جو شبیر تو ہوتا ہے طویل
کتنا شبیر سے مانوس ہے سجدہ تیرا
پالنے والے کو رب کہتے ہیں جب اہل لغت
یاد آتا ہے مجھے پالنے والا تیرا
ایک شیشی میں جہاں خاک شفا رکھی گئی
سب سے پہلا تو عزاخانہ ہے حجرہ تیرا
کس طرح آل کا نبیوں سے تقابل ہو بھلا
یہ ترا خون ہے اور وہ ہے پسینہ تیرا
فیصلہ اشک عزا دیکھ کے ہوگا محسن
کون ہے غیر تیرا کون ہے اپنا تیرا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.