Batees Baras Ka Sath

شبیر کے خیمے میں قیامت کا تھا منظر رخصت کے لیے آئے جو عباس دلاور جب رو چکے عباس کو سینے سے لگا کر بھائی کی طرف دیکھ کے کہنے لگے سرور بتیس برس کا ساتھ ہے نہ چھوڑیئے بھائی بھائی کے لیے موت ہے بھائی کی جدائی

غربت میں مجھے چھوڑ کے بھائی نہ سدھارو خواہش ہے میری قبر میں تم مجھ کو اتارو پردیس میں غربت ہمیں کس موڑ پہ لائی

عباس میرا دل ہو تم ہی جان ہو میری کیا میری محبت میں کمی رہ گئی کوئی بھائی سے زیادہ تمہیں پیاری ہے ترائی

غازی میری بہنوں کو بڑی آس ہے تم سے زینب کو جو ڈھارس ہے وہ احساس ہے تم سے تم ساتھ ہو اس واسطے وہ آئی ہے بھائی

پردیس میں شبیر کا ہے کون سہارا بھائی نہ ملے گا مجھے تم جیسا دوبارہ کیوں چھوڑ کے جانے کی خبر تم نے سنائی

جانے لگے عباس تو نظروں میں تھی چادر روتے ہوئے عباس نے دیکھا تھا پلٹ کر جب خیمہ کلثوم سے آواز یہ آئی

سو جاؤ گے تم بازو کٹا کر لب دریا عمو ہیں کہاں مجھ سے یہ پوچھے گی سکینہ معصومہ نہ سہہ پائے گی عمو کی جدائی

دریا پہ کمر تھام کے جب پہنچے سرہانے غازی سے کہا رو کے شہ کرب و بلا نے ہے آپ کی فرقت نے کمر میری جھکائی

آیا نہیں پھر لوٹ کے سقائے سکینہ جب گرز لگا سر پہ کہا ہائے سکینہ شبیر چلے خیمے سے دے دے کے دہائی

ذیشان و رضا ٹوٹ گئی آس حرم کی دم توڑ گئے شاہ کی آغوش میں غازی شبیر یہ کہتے رہے بھائی میرے بھائی