Dafna Ke Fatima Ko Jo Ghar Aaye Murtaza

دفنا کے فاطمہ کو جو گھر آئے مرتضی بچوں کو دیکھتے ہی کہا ہائے فاطمہ تڑپے سنی بہن سے جو بھائی کی گفتگو زینب سے کہہ رہا تھا یہ مظلوم کربلا زینب سے رو کے کہتا تھا زہرا کا لاڈلا زخمی تھی کتنی ماں روتے ہوئے حسین کے لب پر یہ بین تھا زخمی تھی کتنی ماں

مشکل سے ہاتھ رکھ کے وہ سجدہ بھی کرتی تھیں تسبیح ایک ہاتھ سے وہ پھر نہ پڑھ سکیں قنفذ نے تازیانے سے کیسا ستم کیا زخمی تھی کتنی ماں

بھائی بہن کی بندھ گئیں یہ کہہ کے ہچکیاں بازو پہ اور ہاتھ پہ درے کا تھا نشاں ٹوٹی ہوئی تھیں پسلیاں پہلو شکستہ تھا زخمی تھی کتنی ماں

ہائے وہ ایک نیل تھا جو ماں کے چہرے پر ظالم نے ہاتھ اٹھایا تھا یہ مجھ کو ہے خبر افسوس کے حسین مگر کچھ نہ کر سکا زخمی تھی کتنی ماں

کہتے تھے نانا جان کہ اک وقت آئے گا زہرا کو زخم جب یہ زمانہ لگائے گا نانا کے بعد جلد ہی وہ وقت آ گیا زخمی تھی کتنی ماں

وہ زخم سامنے تھے جو ہم دیکھتے رہے لیکن وہ زخم ماں کے جگر پر تھے جو لگے زینب حسین زخم وہی دیکھتا رہا زخمی تھی کتنی ماں

در ٹھوکروں سے جلتا ہوا ان پہ ڈھا دیا اور در پہ پاؤں رکھ کے شقی گھر میں آ گیا ناموس مصطفی کو یوں پامال کر دیا زخمی تھی کتنی ماں

بھائی بہن یہ کہہ کے اسد روئے دیر تک مارا ہماری ماں کو بہت چھینا ہے فدک ہم اس کو یہ بتائیں گے مہدی جب آئے گا زخمی تھی کتنی ماں

حملہ در بتول پہ اتنا ہوا شدید مادر زمیں پہ گر گئیں محسن ہوا شہید خوں مادر حسین کا بکھرا تھا ہر جگہ زخمی تھی کتنی ماں