Jawan betay ke seenay mein sina

گرے زمین پہ مقتل میں جب علی اکبر تڑپ کے خیمے سے نکلے حسین تھامے کمر چلوں میں ساتھ پکاری جو زینب مضطر بہن کو دیکھ کے بھائی نے یہ کہا رو کر جوان بیٹے کے سینے میں ہے سناں زینب نہ دیکھ پاؤ گی تم بھی ہو اس کی ماں زینب

وہ جس کو نازوں سے اٹھارہ سال پالا ہے میری ہی گود میں وہ لال مرنے والا ہے میں جب اٹھاؤں گا وہ لاشہ جواں زینب

لعیں نے سینے میں جب سے سناں کو توڑا ہے میرا غریب پسر درد سے تڑپتا ہے رگڑ رہا ہے وہ میداں میں ایڑیاں زینب

میری طرف بھی تو دیکھو میں اس کا بابا ہوں نظر بھی کم ہے کمر خم ہے اور پیاسہ ہوں گروں گا راہ میں جانے کہاں کہاں زینب

وہ تم کو دیکھ کے روئے گا خود کو سمجھاؤ ہیں اس کی آخری سانسیں نہ سامنے جاؤ بہت رلائے گی اکبر کی ہچکیاں زینب

وہ بار بار مدینے کی سمت دیکھتا ہے صدائیں دیتا ہے صغری کو اور روتا ہے بہن کی یاد میں الجھی ہے اس کی جاں زینب

دعا کرو کے یہ مشکل کا وقت ٹل جائے سکون سے میرے بیٹے کا دم نکل جائے نہ سن سکوں نہ میں اکبر کی سسکیاں زینب

چلے حسین یہ ذیشان اور رضا کہہ کر سناں کے ساتھ کلیجہ بھی آئے گا باہر ہے باپ بیٹے کی غربت کا امتحاں زینب