Hussain mara gaya

فرماتی ہے یہ حضرتِ سلمہ جگر فگار ایک روز میرے خواب میں آے فلک وقار چہرہ تھا زرد رنج سے آنکھیں تھی اشک بار عمامہ تھا گلے میں پھٹا سر پہ تھی غبار میں نے کہا تڑپ کے اے سلطان انبیاء یہ حال کیسا آپ نے اپنا بنا لیا کیسی پڑی ہوئی ہے یہ چہرے پہ خاک و دھول ہاتھوں سے منہ کو پیٹ کے کہنے لگے رسول

کند خنجر سے سر اتارا گیا ام سلمہ حسین مارا گیا

آ رہا ہوں زمین کربلا سے چین صبر و قرار سارا گیا ام سلمہ۔۔۔

جس کو اپنی زباں چوساتا تھا پیاسا دنیا سے وہ دلارا گیا ام سلمہ۔۔۔

روتا زہرا کو چھوڑ آیا ہوں مجھ سے دیکھا نہ وہ نظارہ گیا ام سلمہ۔۔۔

تین دن کا وہ بھوکا پیاسا تھا جس گھڑی تن سے سر اتارا گیا ام سلمہ۔۔۔

سو جگہ سے جو چاک تھا کرتہ کھینچ کر جسم سے اتارا گیا ام سلمہ۔۔۔

لوٹی انگشتری کسی نے عبا لے کے اسباب کوی سارا گیا ام سلمہ۔۔۔

عینی لکھو کہ خون اصغر سے شادماں دین کو سنوارا گیا ام سلمہ۔۔۔