Veerna main teri qabr banrawan ya shaam nu jawan
Noha Lyrics & Urdu Writeup on Bibi Zainab (s.a) recited by Joan Rizvi
ویرنا میں تیری قبر بنڑاواں یا شام نوں جاواں
کہوے زینب اجڑی جنگ کربلا دی مک گئی لٹیاں گئیاں رداواں
اے تیرے لئی سی جوڑا کل جنت چوں آیا
ہائے غربت اج خاک دا توں کفن اے پایا
جے دیویں اجازت اج میں جنت چوں ویرن ہائے تیرا کفن منگاواں
کیویں شام لے جاواں سجاد بیمار
ہوش نئی آوندی اس نوں ایہہ سخت لاچار
مینوں سمجھ نئی آوندی ویرن ڈسا میں کیویں اینوں موت توں بچاواں
ظالماں شام دے پاسے کر لئی اے تیاری
دفن وی کرنڑ نئی دیندی تینوں فوج اے ساری
تیری لاش نوں چھڈ کے بن دفنو ایس صحرا وچ کدے آسرے تے جاواں
پا پا خاک سراں وچ اسی وال لکائے
امت نے رسیاں دے ساہنوں زیور پائے
میں سنڑیا اے ویرن ہائے شام دے شہر دیاں بوہت اوکھیاں نے راہواں
لاش تیری تے ظالماں گھوڑے دوڑائے
ٹکڑے ٹکڑے پئیا اے تیرا لاشہ ہائے
کھل جانڑ جے رسیاں تیری لاش دا میں ہر ٹکڑا گل نال چا کے لاواں
اونٹھ توں میں لتھ پئی آں پر رو نئی سکدی
لاش اتے پتھراں دا میں ڈھیر ہاں تکدی
میرے ہتھ پابند ہن کیویں لاش توں میں تیری پتھراں نوں آ ہٹاواں
ویرن تیرے گل تے چھری چلدی رہ گئی
ستر قدم توں تکدی میں جیوندی رہ گئی
تیرے نال ای ویرن مک جاندیاں ہائے اس ویلے زینب دیاں وی ساہواں
شام شہر وچ کس نے ساڈے پردے بنڑاونے
ملعوناں دے مجمعے ساڈے راہ چوں ہٹاونے
میرا غازی ویرن جا نہر دے کنارے سمیا کٹا کے بانواں
اختر دنیا فانی اک دن مک جانڑی
رہنڑی اے دو جگ تے سیداں دی کہانڑی
لکھ روکے دنیا پرسے نوں قائم رکھنڑاں زہرا دیاں دعاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.