Hazrat ki sawari

جب آخری رخصت کو حسین آے حرم سے سب بی بیاں لپٹی شہ والا کے قدم سے حضرت نے کہا قطعہ محبت کرو ہم سے اور جینے کے نہیں ہم علی اکبر کے الم سے کہہ کر یہ سخن شاہ کے آنسوں ہوئے جاری ارے سینے سے لپٹ کے زینب یہ پکاری

اے سید مظلوم بہن ہو گیء واری میں جانے نہیں دینے کی حضرت کی سواری

دکھیاری ہوں بھیا نہ میری آس کو توڑو صدقے گیء پردیس میں بہنا کو نہ چھوڑو اب جاییو جب جی سے گزر جاے گی زینب حضرت نے کمر باندھی تو مر جاے گی زینب اے سید مظلوم۔۔۔ میں جانے نہیں دینے کی۔۔۔

اماں کی یہ یہ تاکید تھی مر جاییو زینب جاے یہ جہاں ساتھ چلی جاییو زینب میں ساتھ چلوں گی تو جہاں جاے گا بھای شرمندہ مجھے اماں سے کرواے گا بھای اے سید مظلوم۔۔۔ میں جانے نہیں دینے کی۔۔۔

حضرت کی قسم مجھکو دو بیٹوں کا بھی غم ہو دنیا میں کوئی ہو نہ ہو اس آپ کا دم ہو بچپن سے کبھی شہر میں بچھڑی نہ سفر میں سو مرنے کو تم جاؤ میں بیٹھی رہوں گھر میں اے سید مظلوم۔۔۔ میں جانے نہیں دینے کی۔۔۔

اے بھای جہاں جاؤ گے میں ساتھ چلوں گی جنگل میں رہوں گھر کا کبھی نام نہ لوں گی اعدا کی لڑائی سے نہ ڈر جاے گی زینب کٹوا کے گلا تیغ سے مر جاۓ گی زینب اے سید مظلوم۔۔۔ میں جانے نہیں دینے کی۔۔۔

رکھ لیجیو جاتے ہوئے ایک بات ہماری وہ بالی سکینہ جو تمہیں جان سے پیاری سینے پہ بس ایک بار سلا لیجیو اس کو آداب یتیمی کے سکھا دیجیو اس کو اے سید مظلوم۔۔۔ میں جانے نہیں دینے کی۔۔۔

اللہ کو سونپا تمہیں اے زینب و کلثوم لگ جاؤ گلے تم سے بچھڑتا ہے یہ مظلوم اب جاتے ہی خنجر سے کٹے گا میرا حلقوم ہے صبر کا لمحہ یہ طریقہ تمہیں معلوم اے سید مظلوم۔۔۔ میں جانے نہیں دینے کی۔۔۔

عباس کا غم پوچھے کوئی دل سے ہمارے آگے میرے مارے گےء دو بھانجے پیارے فرماتے تھے بہن علی اکبر گزر گےء ہم ایسے سخت جان ہے اب تک نہ مر گےء اے سید مظلوم۔۔۔ میں جانے نہیں دینے کی۔۔۔

فرزند نہیں بھائی بھتیجا نہیں کوی تھامے جو رکاب آن کے اتنا نہیں کوئی زہرا کی صدا آئی یہ بہ گریہ و زاری اے لال میں تھاموں گی رکاب آج تمہاری اے سید مظلوم۔۔۔ میں جانے نہیں دینے کی۔۔۔

اس لال کا اور تیغ کا احوال غضب ہے خاموش انیس اب کہ یہ ہنگام ادب ہے آقا سے طلب کر تجھے جس شہ کی طلب ہے یہ رونا رلانا تیری بخشش کا سبب ہے اے سید مظلوم۔۔۔ میں جانے نہیں دینے کی۔۔۔