Shadi Ae Fatima Di
Manqabat Lyrics & Urdu Writeup on Bibi Fatema (s.a) recited by Sonia Absar
شادی اے فاطمہ دی، شادی اے فاطمہ دی
دلہن بنڑی علی دی، دو جگ دی شاہ زادی
حوا تے نال مریم گھر آئیاں مصطفی دے
جنت چوں لے کے دوویں ملبوس فاطمہ دے
حوراں گھڑولی چائی اے سر تے ھل اتی دی
سیداں دے گھر خوشی اے جھولی نوں اج پھیلاوے
جنے صدقہ فاطمہ دا لینڑاں مدینے جاوے
عرشاں تے کر ریا اے جبرئیل اے منادی
متھے تے پاک سہرا قرآنی آیتاں دا
گانہ اے پاک ہتھ وچ رحمانی آیتاں دا
کیتی اے سر تے چادر زہرا نے انما دی
وارث خدا دے گھر دا مرشد میرا علی اے
عرشاں تے جیہڑی ہوئی سی گل او کھل گئی اے
اللہ دے گھر گئی اے دھی پاک مصطفی دی
جیہڑا نفس اے خدا دا شوہر اے فاطمہ دا
حق نے علی بنڑایا داماد مصطفی دا
اج شان ہور ودھ گئی میرے پیر مرتضی دی
نبیاں دے سنگ علی نے بارات لے کے آنڑی
آدم تے عیسی ڈولی زہرا دی آ کے چانڑی
اس شان نال ٹرنی بارات سیدہ دی
اس دن دیاں اے خوشیاں کیوں نہ اسد منائیے
کیوں سیدہ دی شادی پڑھ پڑھ کے نہ سنائیے
خوشیاں دے وچ اے سب توں وکھری خوشی خدا دی
رل ہاجرہ خدیجہ پئیاں نظراں لاندیاں نے
صلے علی دے حوراں پھول جنج تے پاندیاں نے
آکھنڑ فرشتے ساڈے سرداراں دی اے شادی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.