Kis Ki Majal Zikr Bhi Ghazi Tera Kare
Manqabat Lyrics & Urdu Writeup on Hazrat Abbas (a.s) recited by Sajjad Ashraf Naqvi
کس کی مجال ذکر بھی غازی ترا کرے
بس وہ کہ جس کہ حق میں دعا سیدہ کرے
حق اس کی منقبت کا کوئی کیا ادا کرے
جس کے لیے لسان خدا بھی دعا کرے
دنیا کی دھوپ چھاؤں سے بڑھ کر ہے گر مجھے
سایہ علم کا حشر میں غازی عطا کرے
باب مراد وا نہیں ایسا کہیں کوئی
جا کر کہاں فقیر مودت صدا کرے
سقا وہ آل ساقی کوثر کا ناز ہو
جس کی وفا پہ ناز شہ کربلا کرے
ثانی وہ ہی ہے جعفر و حیدر کا جو دلیر
بازو قلم بھی ہو تو نظر سے وغا کرے
عباس کا مزار ہے وہ کعبہ وفا
آکر جہاں طواف سدا علقمہ کرے
لینے کو آئیں گے اسے عباس نامدار
حر کی طرح سے اب بھی کوئی فیصلہ کرے
بعد ثناء کلیم عقیدت پہ فرض ہے
پیش کریم شکر کا سجدہ ادا کرے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.