Qabar Zehra Ki Banana Koi Asan Na Tha
Noha Lyrics & Urdu Writeup on Bibi Fatema (s.a) recited by Shahid Baltistani
قبر زہرا کی بنانا کوئی آسان نا تھا
پھر نشاں اس کا مٹانا کوئی آسان نا تھا
ہاتھ پابند ہیں گردن میں ہے جس کے رسی
ہے وہ مظلوم میرا والی زمانے کا ولی
جا کے در در پہ بتانا کوئی آسان نا تھا
بعد بابا کے عجب عالم تنہائی تھا
اور پھر سارا مدینہ ہی تماشائی تھا
فاطمہ پر وہ زمانہ کوئی آسان نا تھا
پوچھا زینب نے جو بالوں میں سفیدی کیوں ہے
رو کے بیٹی سے فقط اتنا کہا زہرا نے
بھرے دربار میں جانا کوئی آسان نا تھا
پسلیاں ٹوٹ کے یوں چور تھیں شہزادی کی
کرنے لگتی تھیں جو خالق کی عبادت بی بی
ہاتھ پہلو سے ہٹانا کوئی آسان نا تھا
تھی وہ غربت کی بہت سخت گھڑی زہرا پر
قتل محسن بھی ہوا مجھ پہ گرا جلتا در
غم یہ حیدر کو بتانا کوئی آسان نا تھا
میخ دروازے کی پہلو میں گری تھی لیکن
درد سے سانس بھی لینا تھا جہاں ناممکن
پھر بھی حیدر کو بچانا کوئی آسان نا تھا
مامتا ماں کی رضا ہم سے رقم کیسے ہو
ہائے درویش کے اس درد میں بھی بچوں کو
اپنے پہلو میں سلانا کوئی آسان نا تھا
قبر زہرا پہ یہ کہتے تھے علی رو رو کر
تھا میرے واسطے آسان اٹھانا خیبر
تیرا تابوت اٹھانا کوئی آسان نا تھا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.