Zainab pyase veer di gal
Noha Lyrics & Urdu Writeup on Bibi Zainab (s.a)
اجڑے ویہڑے آ کے چھیڑی زینب پیاسے ویر دی گل
سن کے صغری نا مر جاوے نانے دی تصویر دی گل
وین کرے زینب کرلاوے کوئی نہ میری چادر لاوے
پاک نبی دے واسطے پاوے سندا کون اسیر دی گل
قبر بنا کے تازی تازی رب اپنے نوں کر کے راضی
سجدے جھکیا پاک نمازی فیر چھڑی شمشیر دی گل
زینب روندی تے غش کھاندی غازی جیوندا میں مر جاندی
میں مر جاندی تے نا سندی مشک پروئے تیر دی گل
آخری ویلے زہرا جایا زین توں فرش زمین تے آیا
جانے رب کی راہ وچ ہوئی تیراں نال شبیر دی گل
ماتم کردی سر نوں پٹدی صغری صغری کہہ کے روندی
بھین یوسف دی جے سن لیندی اکبر دی ہمشیر دی گل
دریا دریا ساحل ساحل بستی بستی جنگل جنگل
آ کے سنائی منزل منزل زینب پیاسے ویر دی گل
لٹ جاوے پاویں سہرا مہندی جنج وی پاویں اک نہ ریندی
کاش کدی تاریخ نہ کیندی زینب دی تشہیر دی گل
ویکھ نثار عجب رویہ آکھدی سی اولاد امیہ
تیغاں تیراں رسیاں والی ساری سی تقدیر دی گل
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.