Rida wi na rayi Zainab de sar te na raye sar te bhara
Noha Lyrics & Urdu Writeup on Arbaeen
ردا وی نہ رئی زینب دے سر تے نہ رئے سر تے بھرا
ہتھ رسیاں پا کے ٹر پئی ہائے لوکو شام دے راہ
سر نے غازی دے لہہ کے نیزے توں اے ڈسایا نئیں چادراں رہیاں
نیزے توں لہہ کے دسیا زینب دی پاک ردا نہ رئے سر تے بھرا
ویر نیزے توں آیتاں پڑھ کے جیویں زینب نوں آکھدا ہووے
تبلیغ دی اگلی منزل ہن زینب آپ نبھا نہ رئے سر تے بھرا
چھوٹی قیدن کوئی کہوے مینوں کوئی مینوں کنیز آکھدا اے
مینوں مار کے شمر طمانچے کہندا غازی نوں بلا نہ رئے سر تے بھرا
اپنے ہی گھر دے سامنے زینب جدوں کوفے چہ آئی پیشی لئی
بھیناں نوں آکھے ایویں رل جاندی بھین جدا نہ رئے سر تے بھرا
مارو پتھر اے باغی آئے نے دھیاں حیدر دیاں نے لو بدلے
دھیاں توں لوکاں پیو دا ہر بدلہ آن لیا نہ رئے سر تے بھرا
خون اکھیاں چوں روندا جاندا اے، اے نبی زادیاں نے کہندا اے
انج لوکاں مار کے پتھر دتا اجر رسالت دا نہ رئے سر تے بھرا
سین واپس مدینے آ کے وی روز اکبر اے وین کردی سی
قیداں توں ودھ کے مینوں اس گل دا سوگ ریا نہ رئے سر تے بھرا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.