Dashte karbala
Noha Lyrics & Urdu Writeup on Ashoor recited by Nasir Zaidi
دشتِ کربلا میں جان سیدہ پر
چل رہا تھا خنجر دشت کربلا میں
اپنے دل کو تھامے بیکسی سے خواہر
دیکھتی تھی منظر دشتِ کربلا میں
جس گھڑی وہ پیاسا کر رہا تھا سجدہ
دھوپ سے لپٹ کر رو رہا تھا سایہ
ہر طرف اداسی چھا گیء تھا ایسی
رو دیےء پیمبر دشتِ کربلا میں
دشتِ کربلا میں۔۔۔
غمزدہ ہوائیں خوں فشاں فضائیں
بے وطن مسافر اب کہاں کو جاے
جل چکے ہیں خیمے لوٹنے کو چادر
آ گیا تھا لشکر دشتِ کربلا میں
دشتِ کربلا میں۔۔۔
بیکفن تھے لاشے لشکر خدا کے
خوں ابل رہا تھا بن میں کربلا کے
گونجتا تھا نوحہ بنت مرتضیٰ کا
لٹ گیا میرے گھر دشتِ کربلا میں
دشتِ کربلا میں۔۔۔
کیا کرے سکینہ زخمی ہے وہ سینہ
نیند کیسے آے اے شہ مدینہ
کھا چکی طمانچے شمر بے حیا نے
چھینے میرے گوہر دشتِ کربلا میں
دشتِ کربلا میں۔۔۔
لوریاں کسے دے بے زباں کی مادر
لب پہ ہر گھڑی ہے ہاے ہاے اصغر
جل گیا ہے جھولا یہ ستم ہے کیسا
ڈھونڈتی ہے مادر دشتِ کربلا میں
دشتِ کربلا میں۔۔۔
جب ستم کی برچی نوجواں نے کھای
ایک صداے غیبی آسماں سے آی
صبر کر لے زینب اس جواں کو اپنے
دل پہ رکھ کے پتھر دشت کربلا میں
دشتِ کربلا میں۔۔۔
قاسم جواں کا ٹکڑے ٹکڑے لاشہ
جب عبا میں چن کر لاے میرے مولا
آسمان رویا تھا زمیں کو سکتہ
دیکھ کے یہ منظر دشتِ کربلا میں
دشتِ کربلا میں۔۔۔
اک بریدہ بازو علقمہ کنارے
نام پر وفا کے اپنا خوں بہا کے
کہہ گیا جہاں سے اشک خوں فشاں سے
میں ہوں آج حیدر دشتِ کربلا میں
دشتِ کربلا میں۔۔۔
ناصر شہ دیں خلد کے تھے راہی
اے ریحان اس کی کیوں نہ دوں گواہی
جانثار سارے اپنی جان ہارے
ابنِ مرتضیٰ پر دشتِ کربلا میں
دشتِ کربلا میں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.