Chand qadmon se sakina
Noha Lyrics & Urdu Writeup on Ashoor recited by Kazmi Brothers
چند قدموں سے سکینہ نے یہ منظر دیکھا
شمر کا بابا پے چلتا ہوا خنجر دیکھا
خاک پر گرتی رہی بچی دہکتے رَن میں
باپ کی ظلفوں میں جب دستِ ستم گر دیکھا
چند قدموں سے سکینہ نے۔۔۔
ظلم تو یہ تھا قتل کرنے سے پہلے اُس نے
مار کر بیٹی کو شبیر کو ہنس کر دیکھا
چند قدموں سے سکینہ نے۔۔۔
تیرہ ضربوں سے زیادہ حسین تڑپے جب
شمر کے ظلم سے نیلا رُخِ دُختر دیکھا
چند قدموں سے سکینہ نے۔۔۔
روک لے ہاتھ کو شاید وہ نا پھِر وار کرے
شہہ کی گردن پے گلا بیٹی نے رَکھ کر دیکھا
چند قدموں سے سکینہ نے۔۔۔
جس جگہ چین سے سوتی رہی وہ یثرب میں
چھلنی تیروں سے سکینہ نے وہ بستر دیکھا
چند قدموں سے سکینہ نے۔۔۔
دور تک بی بی نے دوڑائ تھیں اپنی نظریں
نہ کہیں غازی نظر آئے نہ اکبر دیکھا
چند قدموں سے سکینہ نے۔۔۔
باپ پر چلتی ہوئیں دیکھیں جو ضربیں محسن
ایک معصومہ نے کربل میں یوں محشر دیکھا
چند قدموں سے سکینہ نے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.