Utho Hussain behan ko zara sawar karo

یہ میں ہوں میں میری تنہائی یہ تماشائی لو آئی گیارہ محرم ہے کیا خبر لائی چلی یہ جانب زنداں تمہاری ماں جائی سوار ہم نے کیا تھا تمہیں میرے بھائی اب آؤ یا مجھے کہہ دو نہ انتظار کرو اٹھو حسین بہن کو ذرا سوار کرو

وطن سے دور ہوں کچھ اور دور جاتی ہوں اٹھو اٹھو میرے بھیا تمہیں جگاتی ہوں کوئی بھی آتا نہیں میں جسے بلاتی ہوں قرار جاں میرے مجھ کو نہ بے قرار کرو

سوار ہم نے کیا تھا تمہیں دم رخصت لگام تھامی تھی میں نے بحالت رقت کہاں گئی وہ محبت کہاں گئی چاہت عمامہ اپنا میرے سر پہ سایہ بار کرو

ارے فرات پہ اے سونے والے جاگ ذرا علم کے سائے میں رخصت بہن کو کر بھیا سنا ہے سخت کٹھن ہے یہ شام کا رستہ سہل یہ راستہ عباس نامدار کرو

سفر مدینے سے کیسا تھا یہ سفر کیا ہے نہ محملیں ہیں نہ ہودج نہ کوئی پردہ ہے ہے سر میں خاک یہ کرب و بلا کا صحرا ہے نہ جی سکوں گی تیرے بعد اعتبار کرو

رگوں میں خون بدن میں جو سانس جاری ہے تمہاری سرور و ریحان ذمہ داری ہے جہاں جہاں میرے بھائی کی پرسہ داری ہے تم اپنے نوحوں سے دنیا کو سوگوار کرو

میں آؤں گی میرے بھیا ضرور آؤں گی کفن اڑھاؤں گی مرقد ترا بناؤں گی جہاں بھی جاؤں گی فرش عزا بچھاؤں گی میں قید کاٹ کے لوٹ آؤں انتظار کرو