Aal e nabi k ghar ko bachanay Abbas ban kr Fizza chali hay

آلِ نبیؐ کے گھر کو بچانے ، عبّاسؑ بن کر فضّہؑ چلی ہے دینِ خدا کی قسمت بنانے ، عبّاسؑ بن کر فضّہؑ چلی ہے کچھ قیدیوں کی سالار بن کر، اہلِ حرم کی دیوار بن کر صبرو وفا کا پرچم اُٹھانے ، عبّاسؑ بن کر فضّہؑ چلی ہے روتی رہے گی جس میں حزینہ ، قیدی رہے گی جس میں سکینہؑ اے رونے والو اُس قید خانے ، عبّاسؑ بن کر فضّہؑ چلی ہے جس نے وفا کا رتبہ بڑھایا، زینبؑ کے سر پر ہے جسکا سایہ وہ جس کا رتبہ زینبؑ ہی جانے ، عبّاسؑ بن کر فضّہؑ چلی ہے کرب و بلا سے یہ جانے والی، راہوں میں درّے یہ کھانے والی ظلم و ستم کی دیوار ڈھانے ، عبّاسؑ بن کر فضّہؑ چلی ہے سجدے میں جس نے سر کو کٹایا، جس نے کفن بھی رن میں نہ پایا اُس بے کفن پر آنسو بہانے ، عبّاسؑ بن کر فضّہؑ چلی ہے فضّہؑ چلی ہے بن کر سپاہی، جھٹلائی جس کی ہائے گواہی سفیانّیت کا چہرہ دکھانے ، عبّاسؑ بن کر فضّہؑ چلی ہے صدیوں سے اب تک ماتم بپا ہے، ہر اک محبؔ کے لب پہ صدا ہے مظلومیت کا نوحہ سنانے ، عبّاسؑ بن کر فضّہؑ چلی ہے