Main Abu Talib Hoon

میں ہوں عمران لقب میرا ابوطالب ہے تم بھٹکتے ہو کہاں حق تو میری جانب ہے ہر مسلمان پہ قانون میرا واجب ہے کیوں کہ اک بیٹا میرا غالب کل غالب ہے ظلمت کفر کو گھر گھر سے نکالا میں نے لڑکھڑاتا ہوا اسلام سنبھالا میں نے

کتنا پاکیزہ حسب اور نسب میرا ہے کار اسلام میں جو کچھ ہے وہ سب میرا ہے ادب زیست میں انداز ادب میرا ہے مصطفی میرے علی میرے ہیں رب میرا ہے یہ بتاؤ کوئی مجھ جیسا مسلمان بھی ہے میرے گھر نہج بلاغہ بھی ہے قرآن بھی ہے

میرے ہوتے ہوئے اسلام کو خطرہ تو نہیں کہیں قرآن سے ہٹ کر میرا شجرہ تو نہیں میرے کردار کا دامن کہیں میلا تو نہیں کوئی بچہ میرا میدان سے بھاگا تو نہیں پھر بھی تم نے میرے ایماں کی سند مانگی ہے جب کے اسلام نے خود مجھ سے مدد مانگی ہے

کفر سے دور رہا پھر بھی میں کافر ہی رہا عقد احمد کا پڑھا پھر بھی میں کافر ہی رہا میرا گھر بار لٹا پھر بھی میں کافر ہی رہا میرا ہی خون بہا پھر بھی میں کافر ہی رہا نااہل صاحب ایمان بنے بیٹھے ہیں جو بھکاری تھے وہ سلطان بنے بیٹھے ہیں

میرے اوصاف و کمالات تمہیں کیا معلوم میری الفت میرے جذبات تمہیں کیا معلوم کس طرح گزرے ہیں لمحات تمہیں کیا معلوم کیا تھے اس دور کے حالات تمہیں کیا معلوم دعوت فکر میں دن رات گزر جاتے تھے لوگ میرا ہی نمک کھا کے مکر جاتے تھے

اے مسلمان بتا کچھ تیرا ایمان بھی ہے کوئی بخشش کا تیرے پاس میں سامان بھی ہے تو جو کہتا ہے کہ کافی مجھے قرآن بھی ہے اس میں یہ سوچ لے اک سورہ عمران بھی ہے گر جسے سورہ عمران کی پہچان نہیں پورا قرآن بھی رٹ لے وہ مسلمان نہیں

خانہ حق سے جو پایا وہ پسر میرا ہے آیتیں جس پے اترتی ہیں وہ گھر میرا ہے نوک نیزہ پہ جو بولا ہے وہ سر میرا ہے رن میں اصغر جو ہنسا ہے وہ ہنر میرا ہے نام اسلام کے دامن پہ رقم میرا ہے ہر عزادار کے ہاتھوں میں علم میرا ہے

رب کو محبوب صہیب ہے قرینہ میرا دین کو پار لگاتا ہے سفینہ میرا کام آیا ہے تو بس خون پسینہ میرا کربلا میری نجف میرا مدینہ میرا یہ سمجھ لو پسر غالب کل غالب ہوں تم تو طالب ہو نبی کے میں ابو طالب ہوں