Apne nazdeek jo Zahra ko tarapta dekha

اپنے نزدیک جو زہرا کو تڑپتا دیکھا جوڑ کر ہاتھ حسین ابن علی نے یہ کہا آپ کے واسطے وعدے کو نبھاؤں اماں دیں اجازت کے میں سر اپنا کٹاؤں اماں کہا شبیر نے رو کر چلے گا حلق پر خنجر بس اب اماں چلی جاؤ نہ دیکھا جائے گا تم سے ہماری موت کا منظر بس اب اماں چلی جاؤ

ہر اک مشکل میں اے اماں مدد کی آپ نے میری ہمارے ساتھ دریا سے اٹھائی لاش غازی کی تمہارا شکریہ تم نے اٹھایا لاشہ اکبر بس اب اماں چلی جاؤ

میری گردن پہ اے اماں چھری ظالم چلائے گا نجس زانوں وہ اپنا جس گھڑی سینے پہ رکھے گا گھٹے گا دم بہت میرا چلے گی سانس رک رک کر بس اب اماں چلی جاؤ

یہیں سے الوداع کہہ دو ہمارے پیچھے مت آنا تمہارا پہلو زخمی ہے نہیں تم سے چلا جانا ہمیں تکلیف ہوتی ہے جو تم چلتی ہو جھک جھک کر بس اب اماں چلی جاؤ

مدینہ یاد آ جائے نہ کربل میں تجھے اماں میری داڑھی پکڑ کر شمر مارے گا مجھے اماں تمہاری طرح میرے بھی پڑیں گے نیل چہرے پر بس اب اماں چلی جاؤ

جو تم جھک جھک کے چلتی ہو تمہیں پہچان جائے گی تمہارے بین سن سن کے تو اس کی جان جائے گی کہیں گھبرا کے زینب آ نہ جائے رن میں بے چادر بس اب اماں چلی جاؤ

تڑپ جائے گی عباس جری کی لاش دریا پر شہیدوں کے دلوں پر پھر سے چل جائے گا اک خنجر نبی کی لاڈلی تم کو نہ لگ جائے کہیں پتھر بس اب اماں چلی جاؤ

نہ جانے صبر تھا سجاد کتنا شاہ زادی میں کٹا شبیر کا سر فاطمہ زہرا کی جھولی میں حسین ابن علی کہتے رہے چلتا رہا خنجر بس اب اماں چلی جاؤ