Qasim Hai Mera Naam Hasan Ka Hoon Main Beta

قاسم ہے مرا نام حسن کا ہوں میں بیٹا میں موت کی نعمت ابھی تقسیم کروں گا

دعوت ہو عشیرہ کی یا صفین کا حملہ راس آتا نہیں تم کو علی تیرہ برس کا اے شامیو اس وقت مری عمر ہے تیرہ

مت سوچنا میں پہلے پہل رن میں کھڑا ہوں عباس کا شاگرد ہوں سب سیکھا ہوا ہوں تم کیا ہو ہرا سکتا ہوں میں موت کو پنجہ

ارزق کا خود کاٹ کے سر سے نکل گئی خوں پی کے حلق بانیء شر سے نکل گئی زخمی کی آہ بن کے جگر سے نکل گئی دل میں نہ جی لگا تو کمر سے نکل گئی چلائی موت اب یہ شقی زیر ہوگا شیر خدا کے شیر کا دل شیر ہو گیا

او ارزق شامی میں مقدر کا دھنی ہوں تم پانچوں کو بھیجوں گا سقر پنجتنی ہوں بتلا دو الگ مرنا ہے یا سب نے اکٹھا

میں گھول دوں پانی میں اگر غیظ و غضب کو اک گھونٹ میں پی جائے اجل دشت میں سب کو بابا کی قسم زہر ہلاہل ہو یہ دریا

بابا نے تو اک مرد کو عورت تھا بنایا تم پہلے ہی نامرد ہو لڑنا نہیں آتا تلوار نہیں شام سے اب چوڑیاں لانا

یہ دولہا کی تلوار دلہن بن کے چلے گی تم سب کو لگائے گی ابھی خون کی مہندی پردے میں چلے جاؤ گے گھونگٹ جو اٹھایا

گستاخ حسین ابن علی سامنے آئے بیعت جسے لینی ہے زرا ہاتھ بڑھائے عمو کی قسم ہاتھ قلم کردوں گا اس کا

سجاد کہا اس نے نہ غازی کو بلاؤ پہلے زرا قاسم کو تو میداں میں ہراؤ وہ تم سے لڑیں گے نہیں معیار ہے ان کا