Inj maa ne wekhya Asghar nu Shabbir di jholi pa ke
Noha Lyrics & Urdu Writeup on Hazrat Ali Asghar (a.s)
انج ماں نے ویکھیا اصغر نوں شبیر دی جھولی پا کے
جیویں میت ویکھی جاندی اے چہرے توں کفن ہٹا کے
وسدے سورج دی گرمی توں اصغر دی لاش بچانی سی
کربل دیاں تپدیاں ریتاں وچ اپنے پتر دی قبر بنانی سی
شاہ ٹھنڈیاں تھاواں لبدا ریا رخسار زمین تے لا کے
کتھے اصغر میرا رہ گیا اے نئی آن رباب نے پچھیا سی
عاشور دے دن دا مولا تے اے سب توں اوکھا ویلا سی
ماں لوریاں دیندی جاندی سی اصغر دا کرتا چا کے
شبیر بھرا دی غربت دے احساس نوں دل وچ رکھیا اے
دریا توں مڑدیاں اصغر نوں اونے نال عباء دے کجیا اے
غازی دے کولوں لنگیا اے اصغر دی لاش چھپا کے
اونوں قبر بناون ویلے وی کربل وچ بقیعہ یاد رئی
کدی بابا بابا وین کرے کدی زہرا زہرا کیندا سی
ہتھاں نل قبر اصغر دا شبیر نشان مٹا کے
شبیر دا رب ہی جاندا اے، اے صبر دی منزل سی کیڑی
منہ رو رو چمدا جاندا تے شبیر اے کیندا جاندا سی
سینے تے سواواں گا تینوں کج دیر چہ اصغر آ کے
شاعر نے جیڑے کاغذاں تے نوحے علی اصغر دے لکھدے
ثقلین ادب نل چمیا کر قرآن دے وانگوں اے ورقے
اے دھپ وچ بیٹھی ماں دے سر تے چھاں کردے نے جا کے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.