Abbas teriyan bhaina tere baad ne rul gaiyan
Noha Lyrics & Urdu Writeup on Hazrat Abbas (a.s) recited by Mehmood Khan
عباس تیریاں بھیناں تیرے بعد نے رل گئیاں
نہ ویر رئے سراں تے نہ چادراں نے رئیاں
اگ خیمیاں نوں لگ گئی عابد نوں میں بچایا
کیویں کنڈ تے ویر غازی بیمار نوں میں چایا
میں شام غریباں وچ تکلیفاں بڑیاں سہیاں
جنوں آکھدا سی ویرن اے میرے دل دا چین اے
اکھیاں دا نور غازی جنوں آکھیا حسین اے
اوس پیاری سکینہ نوں مقتل چوں لبھنی پئیاں
جھولی نوں چھڈ کے اصغر مقتل دے وچ سی آیا
ہتھاں تے امامت نے قرآن وانگوں چایا
اصغر نے تیر کھا کے دو ہچکیاں نے لئیاں
رسیاں تے کڑیاں پا کے ٹر پئے نے شام لوکو
امت نے رسالت دا دتا اینج انعام لوکو
لاشاں دے کولوں بھیناں چپ کر کے لنگ نے گئیاں
نجفی دی التجا اے، اے ملکہ حیا نوں
بند ہون تائیں روون اکھیاں تیری ردا نوں
نہ آن بازاراں وچ ہائے بھیناں تیرے جئیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.