Wo Batayenge Humein Kya Hai Wilaye Abbas

سرور کے علمدار زینب کے وفادار یا ثانی کرار سرداروں کے سردار

وہ بتائیں گے ہمیں کیا ہے ولائے عباس آؤ شبیر سے سنتے ہیں ثنائے عباس

یاد ہے مجھ کو وہ صفین کا سارا منظر فخر سے سر تھے اٹھائے ہوئے بابا حیدر دے کے غازی کو دعا کہتے تھے بھائی شبر تم نے دشمن سے بھی کروا دیا حیدر حیدر فتح ایسی تھی کہ ہر فاطمہ زادہ خوش تھا خود میں صفین میں غازی سے زیادہ خوش تھا

اللہ اللہ عجب طرح سے یہ بپھرا تھا میں نے زینب کی قسم دے کے اسے روکا تھا ورنہ لشکر تو اسی روز تہ و بالا تھا اس نے جب غیض میں شمشیر سے خط کھینچا تھا اس کی ہیبت کا یہ عالم ہے کہ ڈرتی ہے ہوا اب بھی دو حصوں میں اس خط سے گزرتی ہے ہوا

کھل کے یہ بازوئے شبیر لڑے گا اک دن یعنی محشر میں ہے تحریر لڑے گا اک دن بن کے والفتح کی تفسیر لڑے گا اک دن اے تکلم یہ مہاویر لڑے گا اک دن جب اسے تیغ چلانے کی اجازت ہوگی اور پھر کچھ بھی نہیں ہو گا قیامت ہو گی