Raza Da Baba Tu Aaya Aein

رضا دا بابا توں آیا ایں ٹر وی چلیا ایں ڈسا چا مولا کدوں تیک ہنڑ جدائیاں نے اٹھاویں عیداں گزر گئیاں انتظاراں وچ آ ویکھ روندیاں دھیاں دیاں دہائیاں نے

ڈٹھا ہے خاب تساں دے میں آونڑ توں پیلاں مکانڑ نانے کوں ڈیندے میں انبیاء ڈیکھے حبیب، حر تے ابوذر بلال، قنبر وی تینڈے مزار تے روندے میں بالقضا ڈیکھے سٹڑے نے بقیعہ وچوں وینڑ دادی زہرا دے سراں چہ پائیاں نے خاکاں بتول جائیاں نے

غریب دھیاں نے رو رو کے پیو توں پچھیا ہئے ہتھاں کوں بابا توں چادر چہ کیوں لکایا ہئے ایناں ہتھاں دا جے سایہ نصیب نئیں ساکوں خدا دے بعد ساڈے سر تے کیندا سایہ ہئے توں چودہ سال پچھوں آیا ایں اج وی قیدی ایں ڈسا چا بابا اے زنجیراں کیں پوائیاں نے

میں کیا ڈساواں تقاضہ ہے عین فطرت دا اے پیو تے دھیاں دا رشتہ عجیب ہوندا ہئے پتر تے ہوندے نے بنیاد باپ دادے دی دھیاں دا جگ تے انوکھا نصیب ہوندا ہئے سمجھ گئیاں اے ملاقات اج اخیری ہئے سراں تے جوکھاں یتیمی نے آ وسائیاں نے

توں بعد مدتاں دے آیا ایں چھوڑ چلیا ہئے ڈسا کے جاویں کیہڑے دیس ہنڑ تیاری ہئے تیڈے توں بعد سخی لعل مولا جعفر دا بڑی بے چین اساں زندگی گزاری ہئے کوئی تے حال ڈسا کیوں خموش ہئے مولا کیہڑے ڈناں تے اجاں ہونیاں رہائیاں نے

ملے رہائی اوکوں صدقہ موسی کاظم دا کوئی وی قیدی عزادار جو تیرا ہووے ملا دے صدقہ میڈی سین دی جدائی دا وچھڑ گیا جے کسے بھینڑ دا بھرا ہووے او بیبیاں دیاں غازی توں جھولیاں بھر دے جناں جناں نے تیرے در تے آساں لائیاں نے