Muslim Ke Dono Laal Nawasay Ali Ke Hain

مسلم کے دونوں لعل نواسے علی کے ہیں

یہ دونوں شاہزادے ہیں خلقت کا اک کمال فرزند ہیں یہ جس کے ہیں آپ اپنی وہ مثال چہرے میں ان کے چہرہ حیدر کے خدوخال یوسف ہو ان کے سامنے یوسف کی کیا مجال ہوں ان کے روبرو تو ستارے بھی ماند ہیں مسلم کے چاند بھی بنی ہاشم کے چاند ہیں

عکس ابوتراب ہیں مسلم کے گلبدن اسلام کا شباب ہیں مسلم کے گلبدن ہر کفر کا جواب ہیں مسلم کے گلبدن توحید کے گلاب ہیں مسلم کے گلبدن حق کی حقیقتوں کا ہی مفہوم ہو گئے دو انبیاء کے اسموں سے موسوم ہو گئے

یہ رنگ روپ کب کسی گل یا کلی کے ہیں یہ نسل ہیں عقیل کی بیٹے ولی کے ہیں شیروں کا جو محلہ ہے یہ اس گلی کے ہیں عباس کے ہیں بھانجے نواسے علی کے ہیں اسلام کی بقاء ہی تو ان کا جنون ہے ان کی رگوں میں بھی ابوطالب کا خون ہے

دونوں کا حسن حسن رخ کردگار ہے دونوں میں نور رب جلی جلوہ بار ہے ہر ایک ان میں حسن کا آئینہ دار ہے دونوں میں عکس چہرہ پروردگار ہے کیسے بیاں ہوں زاویے ان کی جبین کے یہ دونوں شاہزادے ہیں ام البنین کے

دونوں کمال قدرت رب مبین ہیں دونوں دل حسین کے اندر مکین ہیں سورج کو جن پہ رشک یہ وہ مہ جبین ہیں دونوں ہی بھائی حسن سے بڑھ کر حسین ہیں کرتے یہ حملے حیدر کرار کی طرح لڑتے تو یہ بھی لڑتے علمدار کی طرح

ان سا کہیں کسی کا بھی جاہ و حشم نہیں ان کے گھرانے جیسا کوئی محترم نہیں ہے کون سا خدا کا جو ان پر کرم نہیں شبر کو یہ اصغر و اکبر سے کم نہیں دونوں سکون قلب پیمبر کا چین ہیں چشم علی میں یہ بھی حسن اور حسین ہیں