Kheench kar teer phir ek baar shah e deen chale

کھینچ کر تیر پھر اک بار شہ دیں چلے لاش اٹھائے ہوئے جب خیمے کہ در پر پہنچے پردہ خیمے کا ہٹاتے ہوئے کچھ دیر رکے یاد جب آئیں سکینہ تو یہ کہہ کر پلٹے غم سے مرجائے گی جب سامنے آئے گی بہن بھائی کا زخمی گلا دیکھ نہ پائے گی بہن

شاہ جب لاشہ بے شیر کو ہاتھوں پہ لئے ہائے میدان سے خیموں کی طرف جانے لگے راہ میں سات قدم آگے بڑھے پیچھے ہٹے اپنے زانو پہ پھر اصغر کا جنازہ رکھ کے کیسے شبیر نے دل اپنا سنبھالا ہوگا تیر جب گردن اصغر سے نکالا ہوگا

شدت دھوپ وہ صحرا کی تپش لو کی چبھن قبر تلوار سے جب کھود چکے شاہ زمن رو کے کہنے لگے پھیلا کے عبا کا دامن کہاں یہ جلتی زمیں اور کہاں نازک سا بدن کبھی چوما کبھی سینے سے لگایا لاشہ باپ نے قبر میں رکھ رکھ کے اٹھایا لاشہ

آگئے لاشہ لئے خیموں کے پیچھے شہ دیں بولے اصغر کی طرف دیکھ کے اے میرے حسیں کاش کہ ہم بھی ترے ساتھ ہی مرجاتے وہیں ہائے اتنا تو تجھے تیر نے بھی مارا نہیں رن میں مارا ہے تجھے گرم ہوا نے جتنا منہ کھلا رہ گیا پیاسہ تھا نہ جانے کتنا

سر چڑھائے گئے جب نیزوں پہ اک سر نہ ملا خاک میں نیزہ گڑھاتے ہوئے ظالم نکلا ڈھونڈتے ڈھونڈتے وہ خیموں کے پیچھے پہنچا مار کر نیزہ جو کھینچا تو بدن ساتھ آیا رن میں جب ام رباب آئیں یہ منظر دیکھا اپنے بچے کا بدن نوک سناں پر دیکھا

یاعلی کہہ کے جو پھر قبر میں لاشہ رکھا ماں نہ آجائے کئی بار یہ اٹھ کر دیکھا پاؤں کی سمت سے تدفین کا آغاز کیا تن چھپاتے ہوئے جب ہاتھ گلے تک پہنچا بوسہ بے شیر کی گردن کا بڑی دیر لیا خاک میں چہرا چھپاتے ہوئے منہ پھیر لیا

جب تڑپتے ہوئے بے شیر کی ماں کو دیکھا سامنے ماں کے گلا کاٹ دیا اصغر کا نیزہ اس سر میں پرویا تھا یا پھر نیزے میں سر

ہائے ذیشان و رضا ظلم یہاں بھی نہ رکا اس نے نیزے سے بدن کھینچ کے مٹی پہ رکھا یہ لعیں جانے یا ماں جانے یا جانے اصغر