Main Ghareeb ul Ghuraba Hoon Main Mueen uz Zuafa Hoon

مجھ کو خلاق دو عالم نے بنایا ہے امام اپنے دادا کے مشابہ ہوں علی ہے میرا نام میرے لہجے میں ہے اس درجہ صداقت کا نظام لفظ کہتے ہیں کہ قرآن ہے مصروف کلام مرضیء رب کا خلاصہ ہوں رضا کہتے ہیں اور عزادار غریب الغربا کہتے ہیں

میری رگ رگ میں رواں ہے ابوطالب کا لہو نازش عدل ہوں میں خود یہ قسم کھائیں عدو اس نوعیت کا ہے کچھ میرا سراپا میری خو مجھ سے مس ہو تو طہارت کا بھی ہو جائے وضو حضرت موسیء کاظم کا میں شہزادہ ہوں شہر امداد کا میں آٹھواں دروازہ ہوں

جس کے چہرے کی زیارت ہے عبادت میں ہوں اہل ایماں کے لیے راہ ہدایت میں ہوں دیکھ لو نہج البلاغہ کی بلاغت میں ہوں رب نے تصدیق کری جس کی وہ آیت میں ہوں قول مولائے سلیمان گواہی دے گا میرے رتبات کی قرآن گواہی دے گا

معجزہ کیا ہے میری فکر کی ہے رد و بدل جسے کہتے ہو شریعت ہے میرا طرز عمل میرے قبضے میں ہیں صدیاں میرے قبضے میں ہیں پل کون ایسا ہے کے جس کی نہ کریں مشکلیں حل ناز کرتا ہے جس پہ وہ شہکار ہوں میں اپنے دادا کی طرح گل کا مددگار ہوں میں

نقطہء با بھی ہوں کوثر بھی ہوں والناس بھی ہوں عکس جعفر بھی ہوں حیدر بھی ہوں عباس بھی ہوں بے سہاروں کی میں امید بھی ہوں آس بھی ہوں جس سے ہر قلب کو ڈھارس ہے وہ احساس بھی ہوں موت خود دینے تحفظ اسے پہرہ باندھے ہاتھ پر جو بھی میرے نام کا سکہ باندھے

زور آور یہاں لوگوں کی کمائی کب ہے میرے در تک کسی منکر کی رسائی کب ہے بادشاہوں کو بھی حاصل یہ بڑائی کب ہے ایسے ویسوں کو یہاں ملتی گدائی کب ہے صاحب عزت و اکرام بنا دیتا ہوں جس سے خوش ہوتا ہوں خدام بنا دیتا ہوں

جب عزادار پہنچتے ہیں میرے روضے پر لوگ ہی لوگ نظر آتے ہیں تا حد نظر میرے روضے میں کچھ اس طرز کی آسائش ہے

خوب دیتی ہیں دعا ان کو ہماری خواہر اور یاسر یہی چلتی ہے زمانے میں خبر ساری دنیا بھی سما جائے تو گنجائش ہے