Sakina reh gayi zindan mein bhai bata dena

جب اہل حرم نے شام کے زنداں سے رہائی پائی تم کیسے رہوگی زنداں میں اے بابا کی شیدائی سنا جب نام صغری کا صدا آئی سنو بھیا

سجاد تڑپ کے کہنے لگے جب یاد سکینہ آئی اتنا تو بتا دو صغری کو کیا جا کے بتائے بھائی لگا ہے خون جس پر وہ مرے گوہر دکھا دینا

سنو بھیا شکایت ہے مجھے ان شام والوں سے کبھی درے لگائے ہیں کبھی کھینچا ہے بالوں سے طمانچے اتنے کھائے ہیں لہو بہتا ہے گالوں سے بہت اچھا ہوا بھیا وطن میں رہ گئی صغری کبھی وہ شام نا آئے اسے میری دعا دینا

ہمیں اہل ستم جب بھی سر بازار لاتے تھے ہماری بے بسی کا وہ تماشہ یوں دکھاتے تھے چچا کا سر گرانے کیلئے مجھ کو گراتے تھے چچا کے پاس جانے پر زمیں سے سر اٹھانے پر بہت مارا لعینوں نے یہ صغری کو بتا دینا

کہیں دیکھی نہیں ایسی محبت باپ بیٹی میں مجھے دربار میں مانگا گیا جس دم کنیزی میں دلاسہ مجھ کو دینے آگیا سر میری گودی میں مجھے حاکم نے جب دیکھا یہ کہہ کر شمر کو بھیجا چھڑا کر باپ کا سر تازیانوں کی سزا دینا

مجھے دربار میں بابا سے ایسے بھی ملایا تھا ستمگر سامنے خرمے کا جب اک طشت لایا تھا میں کتنا روئی تھی جب طشت سے کپڑا ہٹایا تھا وہاں خرمے نہیں سر تھا بتا دینا اسے بھیا وہ روئے تو مری غربت کا اس کو واسطہ دینا

کوئی بیٹی نہ دیکھے رن میں دیکھا میں نے جو منظر گئی لاشوں سے ٹکراتے ہوئے بابا کے لاشے پر کٹی انگلی بدن میں تیر دیکھے کٹ چکا تھا سر نشاں تیروں کے اے بھیا نہ دیکھے فاطمہ صغری پدر کا خوں بھرا کرتا وطن جا کر چھپا دینا

سکینہ جانتی ہے کیسے دیکھا زخم سینے پر اسے کیسے بتاؤ گے نہیں آئے علی اکبر بہن مر جائے گی بھائی کے مرنے کی خبر سن کر بہت حساس ہے صغری گلے سے تم لگا لینا ترا میں بھی تو بھائی ہوں یہ کہہ کر حوصلہ دینا

چلے عابد تو ذیشان و رضا آواز یہ آئی وطن جاتے ہوئے جب کربلا جانا مرے بھائی مرے عمو سے کہہ دینا سکینہ مر گئی پیاسی نہیں پانی کا غم ہائے چچا تم کیوں نہیں آئے اندھیری قید میں رو رو کے موت آئی بتا دینا