Abhi khanjar na chala
Noha Lyrics & Urdu Writeup on Ashoor recited by Sachay Bhai
جب گرے گھوڑے سے مقتل میں شہ کرب و بلا
خنجر ظلم لئے شمر ستمگار بڑھا
دی تڑپ کر در خیمے سے یہ زینب نے صدا
ابھی خنجر نہ چلا ابھی خنجر نہ چلا
ظالم ابھی خنجر نہ چلا۔۔۔
لوٹ مت بہر خدا فاطمہ زہرا کا چین
اور کُچھ دیر ٹھہر جا ارے ظالم کہ حُسین
بخشش اُمت جد کی ابھی کرتے ہیں دُعا
ابھی خنجر نہ چلا ۔۔۔
تین دن ہو گئے پیاسا ہے نبی کا جانی
ذبح کرنا ہے تو دو گُھونٹ پلا دے پانی
کُند خنجر ہے میرے بھائی کا سُوکھا ہے گلا
ابھی خنجر نہ چلا ۔۔۔
بوسہ گاہ نبوی ہے یہ گلا اے ظالم
شہ رگ دین پہ خنجر نہ چلا اے ظالم
چُومتے تھے اسی حلقوم کو محبوب خدا
ابھی خنجر نہ چلا ۔۔۔
چھوڑ کر ُخلد ذرا فاتح خیبر آ لیں
اور کُچھ دیر ٹھہر جا کہ پیمبر آلیں
آتی ہی ہوں گی وہ آلینے دے اماں کو ذرا
ابھی خنجر نہ چلا ۔۔۔
کیا کروں جاؤں کہاں کس کو پُکاروں بھائی
کیسے دیکھے گی تمہیں توڑتے دم ماں جائی
یا الٰہی مُجھے شبیر سے پہلے لے اُٹھا
ابھی خنجر نہ چلا ۔۔۔
ہائے کس دل سے کروں تذکرہ ء
جورو جفا
کٹ گیا سامنے زینب کے شہ دین کا گلا
چیختی رہ گئیں زینب سر مقتل با خُدا
ابھی خنجر نہ چلا ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.