Qalb e Nabi Ki Khaas Musarrat Hai Fatima

قلب نبی کی خاص مسرت ہے فاطمہ ہر دور کے رسول کی قسمت ہے فاطمہ بس گل کی گل خدیجہ کی دولت ہے فاطمہ یا یہ کہو کے جزو رسالت ہے فاطمہ پورے کیئے ہیں سارے تقاضے رسول کے احسان ہیں ہر ایک نبی پر بتول کے

پاکیزگی نفس کا عنواں ہے فاطمہ حسین آیتیں ہیں تو قرآں ہے فاطمہ مشکل کشاء کی زیست کا ساماں ہے فاطمہ مثل علی محافظ ایماں ہے فاطمہ چوکھٹ کا جس کی سارا زمانہ غلام ہے بیٹا اسی کا اب بھی جہاں کا امام ہے

فاطمہ علی کے ارادوں کی پختگی عمران کے چمن کو بھی بخشی ہے تازگی کرتی رہی علی کی اطاعت میں بندگی فاقوں میں جس نے کاٹ دی خوش ہو کے زندگی دنیا کو صبر و ضبط کی تصویر دے گئی جو کربلا کے واسطے شبیر دے گئی

دین محمدی کا سہارا ہے فاطمہ طوفان آخرت کا کنارہ ہے فاطمہ رب نے مباہلے میں پکارا ہے فاطمہ لکھا ہے جو نبی نے وہ پارہ ہے فاطمہ جس نے پڑھا وہ صاحب ایمان ہو گیا جس نے بھلا دیا وہی شیطان ہو گیا