Paighambar e aalam ki tasveer Ali Akbar
Manqabat Lyrics & Urdu Writeup on Hazrat Ali Akbar (a.s) recited by Wajhi Hasan Zaidi
پیغمبر عالم کی تصویر علی اکبر
شبیر کی آنکھوں کی تنویر علی اکبر
والنجم سی آنکھیں ہیں والیل سے گیسو ہیں
زینب کی دعاؤں کی تاثیر علی اکبر
حسن رخ یوسف تو بس خواب زلیخا ہے
خواب رخ یوسف کی تعبیر علی اکبر
حیدر کا محمد کا حسنین کا زہرا کا
جو نور ہے ان سب کی زنجیر علی اکبر
لب پھول دھن خوشبو ابرو بھی ہلالی ہیں
یعنی ید قدرت کی تعمیر علی اکبر
قامت ہے محمد کی قوت شہہ مرداں کی
قرآن امامت کی تحریر علی اکبر
اسلام ہی مر جاتا گر جان کو دینے میں
اک لمحے کو کر دیتے تاخیر علی اکبر
لگتا تھا محمد ہیں محراب عبادت میں
جب کہتے تھے مسجد میں تکبیر علی اکبر
خون ابوطالب سے نسبت کی گواہی ہے
مٹی کو کیا تم نے اکسیر علی اکبر
زینب کے وسیلے سے ریحان دعا مانگو
لمحوں میں بدل دیں گے تقدیر علی اکبر
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.