Anwar e Ahle Bait Ki Tanweer Hai Alam

انوار اہلبیت کی تنویر ہے علم دو بازوئے بریدہ کی تعمیر ہے علم پانی کی بوند بوند پہ تحریر ہے علم عباس نامدار کی تصویر ہے علم ہر قلب حق پسند کا عکاس ہو گیا اب تو علم کا نام ہی عباس ہو گیا

مخزن عطا کا منبع جود و سخا علم مسکینوں کا غریبوں کا ہے آسرا علم قیدی کو حر بنائے فنا کو بقا علم ہر ٹوٹے دل کی آس غموں کی دوا علم تھاما علم تو دل میں یہ احساس آ گیا ہاتھوں میں جیسے دامن عباس آ گیا

عباس عزم و ہمت و ضبط وغا کا نام عباس ابتلائے شہ کربلا کا نام عباس ہے جہان وفا کے خدا کا نام عباس مدعائے دل فاطمہ کا نام طاعت گزار بعد شہ مشرقین ہے عباس فاطمہ کی نظر میں حسین ہے

ہیں پرچم شعور کی ہر سو کہانیاں امریکہ اور جزائر یورپ کی کہکشاں ہر ملک میں پہنچ گیا عباس کا نشاں ماجد بقول نجم سخن سنج و نکتہ داں عباس نامدار کا علم لے کے جائیں گے ہم چاند پر حسین کا غم لے کے جائیں گے