Hasan De Jigar Da Tukra
Noha Lyrics & Urdu Writeup on Hazrat Qasim (a.s) recited by Faheem Ali
اے حسن دے جگر دا ٹکڑا ہئے جیہڑا ٹکڑیاں وچ تقسیم تھئیے
آھدن ہک رات دا بنڑا ہئے جیہڑا ٹکڑیاں وچ تقسیم تھئیے
قرآن سمجھ کے شگناں دا کربل دی خاک تے جھڑ جھڑ کے
شبیر نے اوکھا چنڑیا ہئے جیہڑا ٹکڑیاں وچ تقسیم تھئیے
اے پہلا گھوٹ ہے دنیا دا جیکوں شادی دی دستار پوا
ماں اناللہ پڑھیا ہئے جیہڑا ٹکڑیاں وچ تقسیم تھئیے
رب جانڑے یا قاسم جانڑے ایکوں تیرہ سال یتیمی وچ
کیویں ماں نے اوکھا پالیا ہئے جیہڑا ٹکڑیاں وچ تقسیم تھئیے
تاریخ توں پچھ جو اوں ویلے ایندا پھس گئے پیر رکاباں وچ
جڈا وچ مقتل دے جھڑیا ہئے جیہڑا ٹکڑیاں وچ تقسیم تھئیے
رب جانڑے جو وچ خیمیاں دے کیا گزری ہوسی امڑی تے
جڈاں گٹھڑی دے وچ ولیا ہئے جیہڑا ٹکڑیاں وچ تقسیم تھئیے
اے خون دی مہندی لا ٹریا ایندی سیج بنڑی ہئے خاک شفا
ایکوں سہرا موت نے بدھیا ہئے جیہڑا ٹکڑیاں وچ تقسیم تھئیے
حیران ہاں میں سہرے دی جا کیوں بھینڑاں ماواں پھپھیاں نے
ایں گھوٹ دا پڑھیا نوحہ ہئے جیہڑا ٹکڑیاں وچ تقسیم تھئیے
جیہڑا بہلول نے لکھیا ہئے اے درد فہیم سنڑا ساکوں
قائم دی اکھ توں وسدا ہئے جیہڑا ٹکڑیاں وچ تقسیم تھئیے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.