Ghar Aake Fatima Ko

قبر نبی پہ پہنچے جب ماں کو لے کے کمسن زہرا پکاری ایسے جیتی ہوں آپ کے بن کہتے تھے تم کسی کا مرتا ہے باپ جس دن دیتے ہیں سب دلاسہ بیٹی کو آکے لیکن گھر آکے فاطمہ کو مارا گیا ہے بابا بیٹی کو باپ کا یوں پرسہ ملا ہے بابا

پہلو ہوا شکستہ ٹوٹی ہیں پسلیاں بھی چہرے پہ بھی نشاں ہیں زخمی ہیں انگلیاں بھی سیدانیوں کو کوئی یوں مارتا ہے بابا

پہلے سلام علی کو کرتی تھی ہاتھ اٹھا کر رکھتی ہوں ہاتھ اب میں چادر میں ہی چھپا کر ظالم کا تازیانہ جب سے لگا ہے بابا

ہنستا رہا سند کے ٹکڑے اڑانے والا جیتے جی فاطمہ کو اس غم نے مار ڈالا درباریوں نے مجھ کو جھوٹی کہا ہے بابا

آتا نہیں کسی کے پیروں میں ورم یونہی دربار میں اکیلی میں دیر تک کھڑی تھی پہلا قدم نہ پوچھو کیسے اٹھا ہے بابا

بالوں میں ہے سفیدی کم ہوگئی نظر بھی اٹھارویں برس میں خم ہو گئی کمر بھی اس عمر میں ضعیفہ اب فاطمہ ہے بابا

کیسے میرے حسن نے مجھ کو سنبھالا آکر گرنے لگی زمیں پہ ہائے میں لڑکھڑا کر ظالم کا جب طمانچہ میں نے سہا ہے بابا

اس وقت مصطفی کی تربت لرز رہی تھی ذیشان اور صفدر جب بولی رو کے بیٹی اب جلد موت آئے بس یہ دعا ہے بابا