Mere Jesi Koi Bhi Yateema Nahi

راہ میں جب کسی نے سکینہؑ کہا اک یتیمہ کے دل سے یہ آئی صدا جب سے بابا گئے میں سکینہؑ نہیں میرے جیسی کوئی بھی یتیمہ نہیں

کب کہاں شمر نے مجھ کو مارا نہیں میرے جیسی کوئی بھی یتیمہ نہیں تشنگی اور میری بڑھاتے رہے سامنے میرے پانی بہاتے رہے کب سے پیاسی ہوں میں جانتے تھے مگر اپنے بچوں کو پانی پلاتے رہے ہاں مگر پانی مجھ کو پلایا نہیں میرے جیسی کوئی بھی یتیمہ نہیں

کمسنی میں ضعیفہ سی دکھتی ہوں میں اتنی زخمی ہوں گرتی سنبھلتی ہوں میں آگئی ہے سفیدی میری بالوں میں دادی زہراؑ کی طرح سے چلتی ہوں میں دیکھتی ہوں تو اب کچھ بھی دکھتا نہیں میرے جیسی کوئی بھی یتیمہ نہیں

رن میں بابا نے جس دم بلایا مجھے زخمی سینے پہ اپنے سلایا مجھے مجھ کو لپٹا ہوا دیکھ کر لاش سے شمر نے جس طرح سے چھڑایا مجھے یوں کسی کو بھی بالوں سے کھینچا نہیں میرے جیسی کوئی بھی یتیمہ نہیں

بیٹیوں کیلئے یہ دعا ہے میری میری طرح یتیمہ نہ ہو کوئی بھی باپ مرتا ھے جب بھی کسی کا کہیں ہاتھ رکھتے ہیں آ آکے سر پر سبھی حال میرا کسی نے بھی پوچھا نہیں میرے جیسی کوئی بھی یتیمہ نہیں

لیکے تحفے میں آئے تھے جو بابا جاں کھینچ کرچھینیں ظالم نے وہ بالیاں درد ھے میرے کانوں میں ھائے بہت زخم سے آج بھی اتنا خوں ھے رواں روکتی ہوں مگر خون رکتا نہیں میرے جیسی کوئی بھی یتیمہ نہیں

میرے کرتے کا دامن جلایا گیا چلتے ناقے سے مجھ کو گرایا گیا میری گردن میں باندھی گئیں رسیاں مجھ کو پنجوں پہ جس دم چلایا گیا ہنس رہے تھے کسی نے بھی روکا نہیں میرے جیسی کوئی بھی یتیمہ نہیں

کربلا سے چلی شام تک آگئی ھائے ذیشان و ضیغم وہ روتی رہی قید خانے میں بابا کا سر جب ملا منہ پہ منہ رکھا یہ کہہ کے چپ ہوگئیی چھوڑ کر بابا اب مجھ کو جانا نہیں میرے جیسی کوئی بھی یتیمہ نہیں