Peya Kamar Jhuka Abid Ro Ro Ke Safar Karda
Noha Lyrics & Urdu Writeup on Imam Sajjad (a.s) recited by Katri Bawa / Syed Wajhi Hasan Zaidi
پیا کمر جھکا عابد رو رو کے سفر کردا
اے پہلا عزادار اے زینب دے کھلے سر دا
سجاد نوں نئی بھلنی ہائے شام دی اے نگری
ایدے سامنے سر ننگے زینب ہے پئی ٹردی
ایدا طوق نئی بھاری اینوں درد ہے چادر دا
سجاد نوں امت نے ہر جا تے رلایا اے
اینوں پھپھیاں دی پیشی نے اے روگ لگایا اے
کہندا رہیا زندگی بھر ہائے شام تے ہائے پردہ
سجاد نوں معصومہ انج غش توں جگاندی سی
ملدا سی جدوں پانی زنجیراں تے پاندی سی
ڈردی سی نہ مر جاوے غمخوار بہتر دا
کرو شرم سجاؤ نہ تسی لوگ بازاراں نوں
کوئی تے دیئو چادر اج ثانی زہرا نوں
اے منتاں علی عابد امت دی پیا کردا
لکھیا اے شریعت وچ نہ پتر نوں پیو چاوے
بہہ لاش تے اکبر دی شاہ رو کے اے فرماوے
کیویں غازی اٹھاواں میں لاشہ علی اکبر دا
رہ کہندی سی معصومہ مینوں کفن نہ توں پاویں
ایس چولے دے وچ عابد تو بھینڑ نوں دفناویں
بے کفن رہیا لاشہ میرے بابے تے اصغر دا
جے چاہنا ایں مر کے وی نہ موت حسن آوے
کر شاہ دی عزاداری تیری زندگی بقا پاوے
رو چادر زینب نوں جے خوف ہے محشر دا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.