Janazay chad ke putran de te mawan shaam aa gaiyan
Noha Lyrics & Urdu Writeup on Shaam recited by Anjuman Guldasta-e-Jaffria
جنازے چھڈ کے پتراں دے تے ماواں شام آ گئیاں
عمامے خاک تے رل گئے رداواں شام آ گئیاں
ایویں لگدا اے بستی وچ علی اکبر دی جنج آئی
سراں تے مہندیاں لا کے سناواں شام آ گئیاں
روزانہ خاک دی چادر سراں تے سانبھدی ہوئیاں
سفر وچ کربلا توں گجھ ہواواں شام آ گئیاں
سکینہ پیو دے سر والی سناں نوں تک کے کیندی سی
میں پھپھیاں وانگ ہی سہہ کے سزاواں شام آ گئیاں
سر عباس نوں تک کے رقیہ وین کردی سی
نبھاون ویر میں تیری وفاواں شام آ گئیاں
کنوں کیندے نیں زینب شامیاں نوں لگ پتہ جاوے
جے کٹیاں ہوئیاں وی غازی دی بانواں شام آ گئیاں
ایدھر بازار دا مجمع اودھر عابد دے رت اتھرو
خبر پھپھیاں نوں ہو گئی سی کہ راہواں شام آ گئیاں
نہ انج ڈرے نہ انج پتھر سہے ثقلین نبیاں وی
جیویں سیدانیاں سہہ کے سزاواں شام آ گئیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.