Batool Rondi Rayi Ummat Ne Sataya Baba
Noha Lyrics & Urdu Writeup on Bibi Fatema (s.a)
بتول روندی رئی امت نے ستایا بابا
تیرے کلمہ گواں نے تیری دھی دا وسدا گھر جدوں آنڑ جلایا بابا
جیہڑے دروازے تے قرآن نوں پڑھدا سیں توں
اگ لا کے اوناں نے او بوہا ساڑ کے میرے پہلو تے گرایا بابا
رات نوں بیت الحزن چ جا کے رونی آں میں
تیری لاڈلی دھی دا تیرے پکیاں سنگتیاں نے سکھ چین گوایا بابا
سامنے منبر دے بیہہ کے میں چندی رئیاں
گستاخ نے جدوں تیری سند دا اک اک ٹکڑا ہنس ہنس کے اڑایا بابا
گل ایمان دی گردن وچ رسیاں پا کے
بے دردی دے نال ایناں شہر مدینے دا بازار پھرایا بابا
میرے پتراں دی گواہی نوں وی مندے نئ سنڑ
تیری شان دے وچ تیرے پیاریاں نے فتوی ہذیان دا لایا بابا
ہتھ بابے دی قبر تے رکھ رکھ رووے ثمر
نالے آکھدی زہرا اٹھ ویکھ لے امت نے جیہڑا اجر ولایا بابا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.