Haye Haye Ali Akbar
Noha Lyrics & Urdu Writeup on Hazrat Ali Akbar (a.s) recited by Nazim Hussain, Afzaal Mehdi
کہتی تھی یہ ماں خوں بھری میت سے لپٹ کر
ہائے ہائے علی اکبر ہائے ہائے علی اکبر
ارمان تھا پہناؤں گی پوشاک شاہانی
افسوس کہ راس آئی نہ تجھ کو یہ جوانی
کیسا تھا مقدر ہائے ہائے علی اکبر
اتنا تو ذرا ٹھہرو تمہیں دولہا بنا لوں
بس ایک جھلک سہرے کی صغری کو دکھا لوں
بے چین تھی خواہر ہائے ہائے علی اکبر
اٹھارہ برس پال کے پروان چڑھایا
وہ گیسوؤں والا ہے میرا خوں میں نہایا
یہ کیا ہوا دلبر ہائے ہائے علی اکبر
ماں تیری جدائی میں بھلا کیسے جیئے گی
مر جائے گی صغری جو خبر تیری سنے گی
اب کیا کروں جی کر ہائے ہائے علی اکبر
ٹھہرو کہ میں اٹھارویں منت تو بڑھا دوں
پھر لے کے بلائیں تجھے جینے کی دعا دوں
صدقے ہو یہ مادر ہائے ہائے علی اکبر
پہلے تو اک آواز پہ اٹھ جاتے تھے بیٹا
اب اتنی صداؤں پہ بھی پہلو نہیں بدلا
کیا ہو گیا دلبر ہائے ہائے علی اکبر
تم ہچکیاں لے لے کہ جو دم توڑ رہے ہو
منہ ماں سے ہمیشہ کے لیے موڑ رہے ہو
کیوں روٹھے ہو دلبر ہائے ہائے علی اکبر
آئیں جو ہمیں لوٹنے خیمے میں ستم گر
ماں دے گی صدائیں علی اکبر علی اکبر
چھن جائے گی چادر ہائے ہائے علی اکبر
جب کوئی جواں لاش نظر آتی ہے محشر
اک یاد سوئے کرب و بلا جاتی ہے محشر
دل روتا ہے کہہ کر ہائے ہائے علی اکبر
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.