Tere Shagna Te Wain Painde Ne
Noha Lyrics & Urdu Writeup on Hazrat Qasim (a.s)
تیرے شگناں تے وین پیندے نے تیری مہندی تے خاک اڈدی اے
کوئی ماں دنیا تے لاڑے دے ہتھ مہندیاں والے لبھدی اے
ماں آخری واری ویکھ لوے اے آس وی ظالماں توڑی اے
کیتا لاش نوں انج پامال ایناں اک گٹھڑی دے وچ موری اے
تیری لاش نوں قاسم جھولی پا کبرئی دے ول ماں تکدی اے
ماں ٹوریا پتر نوں زین اتے جدوں مڑ کے خیمے آیا اے
ماں قاسم دی اک وین کیتا میں قاسم کل پرنایا اے
اودی لاش دا ہر ٹکڑا چم کے رب جانے ماں کی پچھدی اے
جدوں ڈھل گئی شام غریباں تے ایناں ظالماں چادراں لائیاں نے
ہائے مہندیاں والے ہتھاں وچ ایناں ظالماں رسیاں پائیاں نے
انج ویکھی نئی ہائے دنیا تے خوشیاں دی زندگی مکدی اے
انج لاندی اے ہتھ لاش نوں ماں ناں جاگ جاوے ہائے لال میرا
جس ماں نے خون دی گٹھڑی وچ ہائے ویکھیا پتر دا اے سہرا
انج چکیا اے ماں جھولی وچ جیویں جیوندے لال نوں چکدی اے
تقسیم ہویا وے انج قاسم زہرا دے لال نے لبھیا اے
تیرا صبر حسین توں کبرئی دے لیکھاں نوں کیویں چکیا اے
اودے صبر دا صدقہ اے نجفی رت قاسم دی ناں سکدی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.