Zehra ki dua hai

زہرا کی دُعا ہے یہ ماتم یہ ماتم کیسے رُک جائے

کونین کی ہر دولت دے کر اس غم کی حفاظت کرنا ہے شبیر کی خاطر جینا ہے شبیر کی خاطر مرنا ہے یہ جسم رہے یا مٹ جائے مظلوم کا ماتم کرنا ہے زہرا کی تمنا پوری ہو یہ جان رہے یا مٹ جائے زہرا کی دُعا ہے۔۔۔

اس پرچم کی عظمت کے لیئے عباس نے بازو دے ڈالے اس پرچم کی عزت کے لیئے غازی نے سہے دل پر بھالے اس پرچم کے مشکیزہ سے لپٹے ہیں سکینہ کے نالے عباس ِعلی کا پرچم ہے یہ پرچم کیسے جُھک جائے زہرا کی دُعا ہے۔۔۔

سالارِ حُسینی کیا کہنا معراجِ وفا سر تاجِ وفا ہر موج تڑپتی ہے اب تک ساحل سے جو توں پلٹا پیاسا تھاحُکمِ حُسینی جنگ نہ کی ہر وار سہا ہر ظُلم سہا تھا ہوش میں جب تک فکر یہ تھی پیاسی نہ سکینہ رہ جائے زہرا کی دُعا ہے۔۔۔

جب تک یہ سکت اس جسم میں ہے حق اپنا ادا کر دینا ہے اس ما جو سعادت دے ہم کو یہ جان فِدا کر دینا ہے یا اشک سے یا خونِ دل سے اس دامن کو بھر دینا ہے آئی ہے یہاں اک شہزادی اُمید کا دامن پھیلائے زہرا کی دُعا ہے۔۔۔

وہ وقت ہے اب تک آنکھوں میں تھا خون میں غلطاں ابنِ علی اور گونج رہی تھی مقتل میں فریاد و فُغاں اک دُکھیا کی سینے سے بہیں خوں کی دھاریں اور ہاتھ نہ رُکنے پائے کبھی مظلوم کا ماتم ہوتا رہے زہرا کی صدا جب تک آئے زہرا کی دُعا ہے۔۔۔

یہ ماتم ہے ھل من کی صدا ہر اشک ہے جذبہ نُصرت کا یوں حق کی طرف آ جانے کا حاصل ہے ابھی تک اک موقع پہچان ضمیر و دل کی صدا اس ماتم میں شامل ہو جا شبیر بُلاتے ہیں اب تک گر حُر ہو کہیں تو آ جائے زہرا کی دُعا ہے۔۔۔