Hakeem Khaleeq Hussain Mumtaz Se Mera Taluq

حکیم خلیق حسین ممتاز سے میرا تعلق اتنا ہی پرانا ہے جتنا کہ شاعری سے کیونکہ جب میرے شعری سفر کا آغاز ہوا تو سیالکوٹ کی ادبی شخصیات میں وہ پہلے شخص تھے جن کے اخلاق اور محبت نے دامن دل کو کھینچا۔ یوں کہیے کہ ان کا خلیق ہونا ہی انہیں دوسروں سے ممتاز کرتا ہے۔

پیڑ کا اگ جانا کوئی بڑی بات نہیں۔ پیڑ اگانا زیادہ اہم بات ہے۔ حکیم صاحب نے مجھ جیسے کتنے ہی نونہالان ادب کی آبیاری کی ہے جو آج گلستان ادب میں لہلہا رہے ہیں۔ ان کے یہی اخلاقی اور محبت آمیز رویے انتہائی خوش اسلوبی کے ساتھ ان کی شاعری میں جھلکتے ہیں۔ انہیں شعر کہنے پر جو قدرت حاصل ہے وہ بلاشبہ خدا کے کرم کے بغیر ممکن نہیں ۔ ان کی شاعری میں کلاسیکیت اور جدیدیت کی جو خوبصورت آمیزش ہے وہ کم از کم سیالکوٹ کی سطح پر کسی اور کے ہاں نظر نہیں آتی۔